Invalidët e luftës protestojnë para Qeverisë së Kosovës

14:48 | 11 Prill 2017
Arbresh.info

Një grup prej 40 invalidëve të luftës janë duke protestuar para derës së Ministrisë së Punës që nga ora 10:00 e mëngjesit ku po kërkojnë të drejtën për të marrë pensionet e invalidit të luftës.

Ata thane se do të protestojnë derisa të takohen me ministrin e Punës dhe Mirëqenies Sociale, Arban Abrashi.

Kryetari i Shoqatës së Invalidëve të Luftës, Fadil Shurdha, bëri me dije për Klan Kosova se e përkrahin moralisht protestën e tyre, por, sipas tij, zonat që i kanë vonuar listat e invalidëve në momentin që i dorëzojnë ato në ministri beson që se edhe kjo e fundit do të veprojë në formim të komisionit.

Shurdha shtoi se përmes komisionit në fjalë do të kalojnë gjithë këta invalidë për t’ia testuar invaliditetin.
Janë rreth 3000 persona që marrin pensionin e invalidit të luftës, por është edhe një grup që akoma nuk ka hyrë në komisionin.